ଓଡ଼ିଆ ଫିଲ୍ମ ‘ପୁଷ୍କରା’କୁ ଜାତୀୟ ପୁରସ୍କାର ପାଇଁ ଘୋଷଣା କରାଯାଇଛି । ଶକ୍ତିଶାଳୀ କାହାଣୀ ଓ ସାଂସ୍କୃତିକ ପ୍ରଦର୍ଶନ: ‘ପୁଷ୍କରା’ ଶଙ୍କର ତ୍ରିପାଠୀଙ୍କ ଓଡ଼ିଆ ଉପନ୍ୟାସ ‘ନାଦବିନ୍ଦୁ’ରୁ ଅନୁପ୍ରାଣିତ, ଯାହା ଓଡ଼ିଶାର ସାଂସ୍କୃତିକ ଐତିହ୍ୟକୁ ପ୍ରତିଫଳିତ କରେ। ଫିଲ୍ମଟି ପୁରୀର ବିଭିନ୍ନ ସ୍ଥାନରେ ଚିତ୍ରିତ ହୋଇଛି ଏବଂ ଜଗନ୍ନାଥ ସଂସ୍କୃତିର ପରମ୍ପରା ଯଥା ଜାଗଘର, ସାହି ଯାତ୍ରା, ଡଙ୍ଗା ଭସା ଆଦି ପ୍ରଦର୍ଶନ କରି ଦର୍ଶକଙ୍କୁ ଆକୃଷ୍ଟ କରିଛି।
ଶୁଭ୍ରାଂଶୁ ଦାଶଙ୍କ ନିର୍ଦ୍ଦେଶିତ ‘ପୁଷ୍କରା’ ନାଦବିନ୍ଦୁରୁ ଅନୁପ୍ରାଣିତ ସିନେମା । ତରଙ୍ଗ ସିନେ ପ୍ରଡକସନ୍ସର ‘ପୁଷ୍କରା’ ଶ୍ରେଷ୍ଠ ଓଡ଼ିଆ ଫିଲ୍ମ ବିବେଚିତ ହୋଇଛି । ଏହି ଚଳଚ୍ଚିତ୍ରର ମୁଖ୍ୟ ଚରିତ୍ରରେ ସବ୍ୟସାଚୀ ମିଶ୍ର ଅଭିନୟ କରିଛନ୍ତି। ୨୦୨୩ ଗଣେଶ ପୂଜା ଦିନ ମୁକ୍ତିଲାଭ କରିଥିଲା।
ଅଭିନେତା ସବ୍ୟସାଚୀ ମିଶ୍ରଙ୍କ ନିଚ୍ଛକ ଅଭିନୟ ଦର୍ଶକଙ୍କୁ ଆକର୍ଷିତ କରିଥିଲା । ସେ ନିଜେ ସିନେମା ହଲ୍ ବୁଲି ଫିଲ୍ମର ପ୍ରଚାର ପ୍ରସାର କରିଥିଲେ । ଏକ ନିଚ୍ଛକ ଓଡ଼ିଆ ସିନେମା ଦେଖିବାକୁ ଲୋକଙ୍କୁ ଅନୁରୋଧ କରିଥିଲେ । ଯାହାର ଫଳ ଏବେ ମିଳିଛି ।
