ମିଆଁମାରରେ ଭୂକମ୍ପର ଝଟକା । ଭୋରୁ ଭୋରୁ ଭୂମିକମ୍ପରେ ଥରିଲା ମିଆଁମାର । ଭୋର ୩ଟା ୨୬ରେ ଲାଗିଛି ଝଟକା । ରିକ୍ଟର ସ୍କେଲରେ ଭୂକମ୍ପର ତୀବ୍ରତା ୩.୭ ବୋଲି ଜଣାପଡିଛି । ଶୁକ୍ରବାର ମଧ୍ୟ ଅପରାହ୍ନ ୩ଟାରେ ମିଆଁମାରକୁ ଲାଗିଥିଲା ଭୂମିକମ୍ପର ଝଟକା । ୪.୮ ତୀବ୍ରତାର ଭୂକମ୍ପରେ ଥରିଥିଲା ମିଆଁମାର ।
ସେହିପରି ଦୁଇ ଦୁଇଟି ଭୂମିକମ୍ପରେ ଥରହର ହୋଇଛି ଆଫଗାନିସ୍ଥାନ । ଶନିବାର ଆଫଗାନିସ୍ଥାନକୁ ଲାଗିଛି ଭୂକମ୍ପର ଜୋରଦାର ଝଟକା । ବିଳମ୍ବିତ ରାତିରେ ଭୂମିକମ୍ପରେ ଆଫଗାନିସ୍ଥାନ ଥରିଥିବା ବେଳେ ରିକ୍ଟର ସ୍କେଲରେ ତୀବ୍ରତା ରହିଛି ୪.୦ । ଏବଂ ଏହା ପୂର୍ବରୁ ରାତି ଗୋଟାଏ ବେଳେ ଲାଗିଥିବା ଭୂକମ୍ପର ତୀବ୍ରତା ରହିଥିଲା ୪.୨ । ଭୂମିକମ୍ପ ପରେ ଲୋକେ ଆତଙ୍କିତ ଥିବା ଦେଖିବାକୁ ମିଳିଥିବା ବେଳେ ରାତିରେ ବି ବାହାରକୁ ବାହାରି ଆସିଥିଲେ ଲୋକେ ।
