କଂଗ୍ରେସ ସାଂସଦ ପ୍ରିୟଙ୍କା ଗାନ୍ଧୀ ଗୁରୁବାର କେରଳ ନିର୍ବାଚନୀ ପ୍ରଚାରକୁ ଓହ୍ଲାଇ ମୋଦୀଙ୍କ ଉପରେ ବର୍ଷିଛନ୍ତି। ମୋଦୀଙ୍କୁ କାପୁରୁଷ କହିବା ସହ ଶାସକ ଏଲଡ଼ିଏଫ ଓ ମୁଖ୍ୟମନ୍ତ୍ରୀଙ୍କୁ ମୋଦୀଙ୍କ ମୋଦୀଙ୍କ ବି-ଟିମ୍ କହିଛନ୍ତି ପ୍ରିୟଙ୍କା।
କେରଳ ବିଧାନସଭା ନିର୍ବାଚନ ପାଇଁ କଂଗ୍ରେସ ନେତୃତ୍ୱାଧୀନ ୟୁଡିଏଫ ପାଇଁ ପ୍ରଚାର ଆରମ୍ଭ କରିଛନ୍ତି। ଆଜି ପୁଥାନଥୋପୁରେ ଏକ ପ୍ରଚାର ସଭାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବେ କେରଳ ମୁଖ୍ୟମନ୍ତ୍ରୀ ପିନାରାଇ ବିଜୟାନଙ୍କୁ କଟାକ୍ଷ କରିଛନ୍ତି ପ୍ରିୟଙ୍କା। ସେ କହିଛନ୍ତି, ପଶ୍ଚିମ ଏସିଆ ବିବାଦରେ ମୋଦି ଆମେରିକା ଏବଂ ଇସ୍ରାଏଲ ଆଗରେ ମୁଣ୍ଡ ନୁଆଇଁଛନ୍ତି। ଫଳସ୍ୱରୂପ ଏପରି ପରିସ୍ଥିତି ସୃଷ୍ଟି ହୋଇଛି ଯେପରି ଭାରତ ମଧ୍ୟ ଅନ୍ୟ ଦେଶମାନଙ୍କ ସହ କ୍ଷତି ସହିବ। ଆମର ପ୍ରଧାନମନ୍ତ୍ରୀ ଜଣେ କାପୁରୁଷ ଯାହାର କୌଣସି ମେରୁଦଣ୍ଡ ନାହିଁ। ତାଙ୍କ ସହିତ ଆପୋଷ ବୁଝାମଣା କରାଯାଇଛି। ଆମେ ପ୍ରତିଦିନ ଏଥିପାଇଁ ମୂଲ୍ୟ ଦେଉଛୁ କାରଣ ତାଙ୍କ ପାଖରେ ଭାରତ ପାଇଁ ଠିଆ ହେବାର ସାହସ ନାହିଁ। ଆମେ ମଧ୍ୟ ପ୍ରତିଦିନ ମୂଲ୍ୟ ଦେଉଛୁ କାରଣ ତାଙ୍କ ନାମ ଏପଷ୍ଟାଇନ ଫାଇଲରେ ଅଛି ଏବଂ ସେ ନିଜକୁ ରକ୍ଷା କରିବାକୁ ଚାହାଁନ୍ତି ବୋଲି କହି ମୋଦୀଙ୍କ ବିରୁଦ୍ଧରେ ସାଙ୍ଘାତିକ ଅଭିଯୋଗ କରିଛନ୍ତି। ସେ ଆହୁରି ଅଭିଯୋଗ ଆଣିଛନ୍ତି ଯେ ମୋଦିଙ୍କ ନୀତି ସଂଘର୍ଷ ସମୟରେ ଉପସାଗରୀୟ ଅଞ୍ଚଳରେ ଫସି ରହିଥିବା ଭାରତୀୟମାନଙ୍କୁ ସୁରକ୍ଷା ପ୍ରଦାନ କରିନାହିଁ। ଶାସକ ଏଲଡିଏଫ ଏବଂ ମୁଖ୍ୟମନ୍ତ୍ରୀ ପିନାରାଇ ବିଜୟନଙ୍କୁ ମୋଦିଙ୍କ ବି-ଟିମ୍ ବୋଲି କହି ମଧ୍ୟ ଅଭିଯୋଗ କରିଛନ୍ତି।ସେ ଦେଶରେ ମୋଦୀଙ୍କ ବିରୁଦ୍ଧରେ ଯାଉଥିବା ନେତା ଇଡି, ସିବିଆଇ ଏବଂ ଆଇଟି ଦ୍ୱାରା ଗିରଫ ହେଉଥିବା ଅଭିଯୋଗ ଆଣି କହିଛନ୍ତି ଯେ, ଜଣେ ନେତାଙ୍କ ନାମ କୁହନ୍ତୁ ଯିଏ ମୋଦୀଙ୍କ ବିରୁଦ୍ଧରେ ଠିଆ ହୋଇ ନିଜକୁ ପ୍ରକାଶ କରିଛନ୍ତି ଏବଂ ପ୍ରବର୍ତ୍ତନ ନିର୍ଦ୍ଦେଶାଳୟ, ଆୟକର ବିଭାଗ, ସିବିଆଇ କିମ୍ବା ତାଙ୍କ ଅନ୍ୟ ଏଜେନ୍ସି ଦ୍ୱାରା ଆକ୍ରମଣର ଶିକାର ହୋଇନାହାଁନ୍ତି। ସେ ଆହୁରି ଦାବି କରିଛନ୍ତି ଯେ ସରକାରୀ ଡାକ୍ତରଖାନାଗୁଡ଼ିକରେ କର୍ମଚାରୀ, ଚିକିତ୍ସା ଉପକରଣ ଏବଂ ଔଷଧର ଅଭାବ ଥିବାରୁ କେରଳର ସ୍ୱାସ୍ଥ୍ୟ ବ୍ୟବସ୍ଥା ଭୁଶୁଡ଼ି ପଡୁଛି।
